Pa ver los caberos anovamientos d'esti ficheru "lléeme" (n'inglés), llee http://www.openoffice.org/welcome/readme.html
Esti ficheru contién información importante sobre esti programa. Llei esta información con procuru enantes de ponete a trabayar.
La comunidá d'OpenOffice.org, responsable del desendolcu d'esti productu, quier invitate a participar como miembru de la comunidá. Los usuarios nuevos pueden visitar el sitiu de OOo-dev que contién información valible en http://www.openoffice.org/about_us/introduction.html (n'inglés)
Llee tamién les faces siguientes tocante a cómo formar parte del proyeutu OpenOffice.org.
OOo-dev is free for use by everybody. You may take this copy of OOo-dev and install it on as many computers as you like, and use it for any purpose you like (including commercial, government, public administration and educational use). For further details see the license text delivered together with OOo-dev or http://www.openoffice.org/license.html
Puedes usar esta copia de OOo-dev llibre de cargos porque contribuidores individuales y patrocinadores corporativos, diseñarón, desendolcarón, prebarón, tornarón, documentarón, sofitarón, espublizarón, y aidarón de munches menes a facer lo que güei ye OOo-dev - los líderes mundiales del software de oficina llibre..
Si aprecies los sos esfuercios y quies asegurate de que OpenOffice.org continúe nel futuru, considera contribuyir col proyeutu - pa mayores detalles llee http://contributing.openoffice.org (n'inglés). Toos tenemos contribuciones que podemos facer.
Sistema operativu Solaris 10 (plataforma x86) o superior
256 MB RAM (encamiéntase 512 MB RAM)
Espaciu disponible nel discu duru de fasta 1,55 GB
Sirvidor X con resolución de 1024x768 (recomendada una resolución mayor), con 256 colores polo menos
Xestor de Ventanes
Gnome 2.6 o superior, colos paquetes gail 1.8.6 y at-spi 1.7, requeríos pal sofitu de les ferramientes de teunoloxía d'asistencia (AT tools)
Comprueba que dispones d'abonda memoria llibre nel direutoriu temporal del sistema y que tenga drechos d'accesu de llectura, escritura y execución. Enantes d'aniciar la instalación, zarra tolos demás programes.
El motor de la base de datos Berkeley foi anováu nesta versión de OOo-dev. El motor de la base de datos anováu introduz una incompatibilidá colos datos d'usuariu pa estensiones instalaes pa les versiones del OOo-dev enantes de la 3.2 que pudiere requerir la to aición si baxes la versión del to OOo-dev.
La versión de OOo-dev convertirá la to base de datos d'estensiones al nuevu formatu de Berkeley al momentu que s'instale o desanicie estensiones. Dempues d'esta conversión, la base de datos yá nun podrá lleese por versiones anteriores de OOo-dev. Regresar a versiones anteriores puede resultar en problemes nel instalador.
Si regreses a una versión anterior de OOo-dev, tendrás de desaniciar el direutoriu de datos d'usuariu {datos d'usuariu}/uno_packages, por exemplu ~/.openoffice.org/3/user/uno_packages, y reinstalar toles estensiones.
El controlador de l'axenda de Mozilla necesita'l paquete SUNWzlib. Esti paquete nun ye parte de la instalación mínima del sistema operativu Solaris. Si necesites acceder a l'axenda de Mozilla, amiesta esti paquete al sistema operativu Solaris col comandu "pkgadd" dende'l CD d'instalación.
En OOo-dev sólo se pueden usar les tecles d'accesu direutu (combinaciones de tecles) que use'l sistema operativu. Si una combinación de tecles de OOo-dev nun furrula como se describe na aida de OOo-dev, mira a ver si esi accesu direutu yá lu usa'l sistema operativu. Pa resolver estos problemes, puedes camudar les tecles asignaes pol sistema operativu. Tamién, puedes camudar casi cualesquier asignación de tecles en OOo-dev. Si quies más información, consulta l'aida de OOo-dev o la documentación d'aida del sistema operativu.
El bloquéuo de ficheros ta habilitáu de mou predetermináu en OOo-dev. Nuna rede qu'use'l protocolu de "Sistema de ficheros de rede" (NFS), el degorriu de bloquéu pa veceros NFS tien de tar activu. Pa desactivar el bloquéu de ficheros edita'l ficheru de comandos soffice y camuda la llinia "export SAL_ENABLE_FILE_LOCKING" a "# export SAL_ENABLE_FILE_LOCKING". Si se desactiva'l bloquéu de ficheros, l'accesu d'escritura sobro un documentu nun se restrinxe namái al usuario que lu abrió primero.
Avisu: Activar la función de bloquéu de ficheros puede date problemes en Solaris 2.5.1 y 2.7 al usalos con Linux NFS 2.0. Si l'entornu del sistema tien estos parámetros, recomiéndase abondo el non usar la función de bloquéu de ficheros. De lo contrario, OOo-dev va bloquease cuando intentes abrir un ficheru dende un direutoriu montáu con NFS nun equipu con Linux.
Pa tener más información tocante a les carauterístiques d'accesibilidá en OOo-dev, visita http://www.openoffice.org/access/ (n'inglés).
Dedíca-y un momentín a finar el procesu de rexistru del productu cuando instales el software. Anque'l rexistru ye voluntariu, encamiéntase facelu porque la información permite a la comunidá desendolcar productos de software entá meyores y adaptalos a les verdaderes necesidaes de los usuarios. Per aciu de la so Normativa de Privacidá, la comunidá OOo-dev toma toles precauciones afayadices pa protexer los tos datos personales. Si nun rellenesti'l rexistru na instalación, puedes volver a rellenalu cuando te pete seleicionando "Aida - Rexistru" dende'l menú principal.
Tamién tienes a la to dispoción una encuesta en llinia pal usuariu que recomendamos rellenar. Los resultaos d'esta encuesta aúden a OOo-dev a llantar más rápido nuevos estándares pa la creación de los programes d'ofimática de la próxima xeneración. Per aciu de la so Normativa, la comunidá de OOo-dev toma toles precauciones afayadices pa protexer los tos datos personales.
La páxina principal d'asistencia http://support.openoffice.org/ ufre delles posibilidaes d'aida con OOo-dev. La so entruga yá puede tener una rempuesta - verifícalo nel foru de la comunidá en http://user.services.openoffice.org o gueta nos ficheros de la llista de corréu 'users@openoffice.org' en http://www.openoffice.org/mail_list.html. Otra alternativa ye unviar les entrugues a users@openoffice.org. Nesta página, http://wiki.services.openoffice.org/wiki/Website/Content/help/mailinglists, desplícase cómo soscribirse a la llista (pa recibir una rempuesta por corréu).
Tamién, verifica la seición d'entrugues frecuentes (FAQ) en http://wiki.services.openoffice.org/wiki/Documentation/FAQ.
El sitiu web de OOo-dev agospia IssueZilla, el nuesu mecanismu pa informar sobre problemes y fallos, y pa facer un siguimientu d'ellos ya igualos. Encamiéntase a tolos usuarios que se decidan, porque los informes de fallos que puedan surdir nuna plataforma específica agradeceránse. L'informe exhaustivu de los problemes ye una de les contribuciones más importantes que la comunidá d'usuarios puede facer al conxuntu d'aplicaciones.
La Comunidá de OOo-dev podría beneficiase asgaya de la to participación activa nel desendolcu d'esti importante proyeutu de software abiertu.
Como usuariu, yá ye un valiosu activu del procesu de desendolcu del conxuntu; por embargu, animámoste a participar de manera más activa entá, col envís de convertite nun collaborador habitual de la comunidá. Xúnite y desamina la páxina d'usuariu en: http://www.openoffice.org
La meyor manera d'entamar a contribuyir ye inscribise nuna o más llistes de mensaxes, caciplar un tiempu y usar gradualmente los ficheros de mensaxe pa familiarizase con daqué tema tratáu dende que'l códicu fonte de OOo-dev se lliberó n'ochobre de 2000. Cuanto teas más a gustu, lo único que tienes que facer ye mandar un corréu-e de presentación y entamar a participar. Si tas familiarizáu colos proyeutos venceyaos al códigu fonte, examina la nuesa llista To-Dos y mira a ver si hai daqué no que te prestaría aidar en http://development.openoffice.org/todo.html (n'inglés).
Equí te presentamos dalgunes de les llistes de corréu a les que puedes soscribite en http://www.openoffice.org/mail_list.html (n'inglés).
Noticies: announce@openoffice.org *encamiéntase pa tolos usuarios* (tráficu llixeru)
Foru principal d'usuarios: user@openoffice.org *manera fácil pa siguir les discusiones* (tráficu pesáu)
Proyeutu de marketing: dev@marketing.openoffice.org *más allá del desendolcu* (casi pesáu)
Llista de collaboradores de códigu xeneral: dev@openoffice.org (moderáu/pesáu)
Puedes faceer contribuciones pergrandes a esti proyeutu de códigu abiertu anque tengas poca esperiencia colos códigos o'l diseñu de software. ¡Sí, Tu!
En http://projects.openoffice.org/index.html atoparás proyeutos que van dende la llocalización, tresferencia y software pa trabayu en grupu a proyeutos reales de codificación del núcleu. Si nun yes desendolcador, prueba col proyeutu de documentación o de márketing. El proyeutu de márketing d'OppenOffice.org aplica téuniques comerciales habituales y direutes al software de márketing de códigu abiertu, per barreres culturales ya idiomátiques. Puedes contribuyir cenciallamente dando a conocer esti productu, o comentándo-y a dalgún collaciu esti conxuntu d'aplicaciones ofimátiques.
Puedes aida ssscribiéndote a la rede de comunicaciones ya información de promoción en http://marketing.openoffice.org/contacts.html au puedes proporcionar un puntu de contautu de comunicación con prensa, medios, axencias de gobiernu, consultores, escueles, grupos d'usuarios de Linux y desendolcadores nel to país o comunidá llocal.
Esperamos que te preste trabayar col nuevu OOo-dev 3.4. Xúnite a nós en llinia.
La comunidá OOo-dev
Portions Copyright 1998, 1999 James Clark. Portions Copyright 1996, 1998 Netscape Communications Corporation.